رساله إلى زوج المستقبل

رساله إلى بعل المستقبل :
ازيك يا أبو عيالى يا حوزى يا مستنى ..
بقولك من أولها واللى أوله شرط أخره نور ...
بلاش أسمع كلمة ممعيش في قاموسنا اليومى ..
أومال متجوزاك عياقة مثلاً ..
الجواز مصاريف وخروجات وفسح ...
واشاور على فستان فى الفاترينا يكون عندي ..
تانى يوم وإلا هاقوم معاك بواجب كل ست مصرية ..
وهسمعك كتاب "يا ست يا مصرية نكدى على جوزك بكلامك ويحة التقليه "
أنا اللي هاسمى ولادنا .. أمك أقصد مامتكـ ما تتدخلش ...
أنا اللى تعبت وربيت ولسه هاتعب ..
أول يوم فى رمضان هانفطر عند ماما ..
وتانى يوم هفكر هنروم عند مامتكـ ولا لأ ...
مش لازم كل يوم تلاقى طقم مكوى ...
وعادى لو لقيت زرار طاير من القميص ...
أنا ما بحبش القهوة ولا القلقاس ولا أى كلمة تبدأ بحرف القاف ...
يعني من دلوقتى اعمل حسابك مش هيدخلو البيت ...
حذراي ثم حذارى تقولي أكل ماما أحسن من أكلك ..
أصل ماما كانت بتعمل البامية بطريقة معينه ..
اللى هاعمله يتاكل من سكات ..
خروجات مع أصحابك مفيش مفيش مفيش " تلاتة مفيش " !!
وبس كدا ...

الإمضاء
زوجتك المخلصة المحبة دائماً وابداً

من كتاب رسائل كوميدرامية إلى أشياء في حياتنا اليومية

روابط هذه التدوينة قابلة للنسخ واللصق
URL
HTML
BBCode

التصنيفـات غرائب وطرائف